ياإبليس,,,,,من روائع ياسر التويجري.,.,.

ياابليس انا وياك ربع ورفاقه
و من بينا ميثاق وعهود وصكوك

انت توردني دروب الحماقه
وانا اليا ضيعت قمت العن ابوك

يابليس تدري وش حلاة الصداقه
اني اليا خربتها جيت للبوك

وغديت بين المحفظه والبطاقه
واتشكلت فررتك ميات وشيوك

والغيت عندي ما تسما العلاقه
ما تنبنا طبعا على عطني ودوك

يا ذا العور وان كان ما فيك طاقه
مالك عذر وانت على المتن معكوك

عندي على درب المهالك لياقه
على النقا والكسب ياابليس مشروك

ولك الفخر يابو البلا والشقاقه
اني انا شاعر ملك كان مدروك

شاعر ابو متعب سليف الطراقه
على زعيما من ورا الناس محروك

كثرت هروج مدورين الخناقه
يبون فتحه باب ماهوب مصكوك

واللي قهرني صدق ان اللواقه
مهوي وفاشل وفارغ وصعلوك

اسمع هدير وكل ما شفت ناقه
ومتن الجرب مبعد ومهمل ومتروك

ان كان فيها بالحاقه لحاقه
اطاعلى دمجات ما طا على شوك

والله ما الد الا على اربع عماقه
وانا وريث ملوك وخاطب ملوك

عبد الله وسلطان واكبر شقاقه
نايف وزير الداخليه وانا اخوك

والرابع محمد وسيع المطاقه
ولي عهد ديار مبرك ومبروك

ماهو بغصب الا بطيب ولباقه
والظن فيني وثق ما هو بمشكوك
شاعر طغى ماني بشاعر اناقه

والشعر اعلكه شبك مااعلكه علوك
اكثر ما احبه في الحياه الطفاقه

واكره ما اشوف الحر لا صار مملوك
ويلي تعكزبي بعد جتك اعاقه

سلام وانت تدري بقافيه اوك
يعني ابرفعها واعرفك طباقه

ما تدري ان البيت واضح ومحبوك
اقدر اوطيها عليك بسياقه

لا كني اكبر منك مير انت غروك
لمير خذلك ورده وسط باقه

ودوج بسوق الفيصليه وهردوك
وخلك قريب من صالون الحلاقه

واليا شربت الببس لا تلحقه كوك
حنا هل الوجهه وقوم الرواقه

اهل الدلال الي بها الهيل مدكوك
ويلان من ويلان ساقه بساقه

في نجد واليا اشملت عرعر وتبوك
ومافيه حد(ن) حد وايل و عاقه

روس(ن)مع العربان ماحنا بوروك
الورع منا لا لعب بالتفاقه

يرمي لحم ما يرمي عصي وجيوك
خبل عنزه مقفى العدو في نياقه

افتكها ولاانت خبل ومفكوك
اليا كلنا ما نحب الذواقه

نشبع ولا نترك للأنذال متروك
سيوف(ن)ارهى من سلاحك بطاقه

واشبارنا اطول من خطاويك ببلوك
ما حقتها ولا احب الحواقه


ربعك لهم في المجد درب محيوك
سلطانهم لا حل ذرا رواقه

شالوا ثقيل الحمل مير انت خلوك
الشعر حنا حاسبين احتراقه

عندك يوم الي بجنبك تحدوك
الشعر انا ماجيت احسب اوراقه

جاني على لوكي وجيته على لوك
اكبررر فخرر لشعرر اني نطاقه

واكبر فشل للشعر من يوم رزوك